Vice President Amissah Arthur say NPP dema Running mate Bawumia dey lie too much.
Wanna Vice President talk so as he then e NDC party people meet for Moree last weekend. Amissah Arthur say e still dey shock how Bawumia dey mount platforms dey talk say he Amissah Arthur dey fear am that be why the 170 questions he throw give am on the economy, e no reply am yet.
As e then e party people dey talk, e say make dem go biz Bawumia why e only dey talk then things for outside Accra, wey e san add say secof he dey fear say dem go reply am for Accra, that be why he do aaa then e run go places wey dem no go hear am.
The other day, as Bawumia too go Moree, e talk the people for there say, e wedge Amissah Arthur saaa e no come, so e check like e dey fear answer the questions.
As things dey now, e check like both dey play kwaane kwaane then piloloo.