ICGC dema Pastor Mensa Otabil bore. Sunday, as e dey preach for church, e respond to people wey dem dey talk nyaa about e Capital Bank issue.
Otabil, who wey e be shareholder for the bank wey GCB take over, talk e members say as the matter come, e make basaaa like two days but later he gather some kind vim bi.
The Pastor say, the whole matter no pain am pass like the people wey dem dey insult am as the thing happen. E say, as he check some of the people dem dey insult am, e see say naaa some be yawa boys den girls wey some sef dem no dey e level sef wey dem for insult am.
He say that make e heart cool down small.
You all go kai say last week, GCB take over Capital Bank den UT Bank over some yawa money moves bi wey the Bank of Ghana say secof that dem wan protect the two banks dema customers.