Ebony, Shatta Wale, Samini, Stonebwoy, Darko Vibes, Kwame Eugene, Joyce Blessing, den Kidi dems all go perform for Starr FM demma “S Concert” for Accra Sports Stadium (GA-111-8662) this year.
Last year too, ebi stadium noor wey the concert happen for. We hear say 50 solid artists go perform for stage 1st December. This be the 4th year wey the concert go come on. Since 2014, the show always dey pap, wey chao people too dey attend.
The tickets be 10 Cedis peh, wey you fit buy am for your phone top. Just dial 713*7510# for every network top.
The 2017 S Concert, ebi Storm Energy Drink, Accra City Hotel, Express Savings and Loans, Ghana Post GPS, Hubtel, den Cosmopolitan Health Insurance wey sponsor am.