VGMA 2018! Fancy Gadam say he for chop ARTIST OF THE YEAR oh!

VGMA 2018! Fancy Gadam say he for chop ARTIST OF THE YEAR oh!

“Total Cheat” singer Fancy Gadam, wey e dey fill up Tamale Stadium anyhow, go talk for Hitz 103.9FM say he for win VGMA Artist of the Year next year.

This matter, he talk soon after he go mash up Bukom Square plus e “Gadam Nation Concert” last weekend.  The crowd he pull too, some mainstream artist seef no get some before. Tourism Minister Minister Hon. Catherine Afeku too go some. He say Artist of the Year di3, ebi every artist e dream to win, wey he dey believe say this year, he work hard aaaa, so he dey deserve.

Fancy (Ahmed Mujahid Bello) win plenty awards like BASS Awards for Discovery of the Year, 2017  VGMA Best New Act, 2016 JIGWE award for Best New Artist den tins, wey he do song plus Medikal, Wiyaala, Shatta Wale, den Sarkodie dems.

Fancy play shows this year waa. He fill up big big arenas for the whole country, wey he san get loyal fans, so many people dey believe say if he get nomination nkoaa di3, he go fit win. Last year, as dem nominate am for VGMA Best New Act, people figa say he no go fit chop, but he win dem clean.

Gadam go perform for Starr FM demma “S Concert” for Accra Sports Stadium, 1st December.

Listen e “Total Cheat” for here:

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>