Last Sunday, as everybro go church come wey dem dey chop Omo Tuo den some palm nut soup, the NPP people go do some press conference wey dem talk chao things.
As usual, dem do NDC falaa koraa; dem say if we for compare paaa then e be NDC wey dem be yawa party pass. Oh!
E no be that pɛ dem talk; dem say of late dem see say NDC wan talk people say NPP do yawa secof PDS dema Dumsor matters.
Dem say if we want talk Dumsor deɛ NDC for not talk some secof dem deɛ the way dem be Dumsor party pass, the darkness sef dey fear them. Herh!
John Boadu, the party dema General Secretary say ebe NDC wey dem make people dema business spoil secof the dumsor wey e happen as dem dey power.